# Testament des Johan Rorbach und seiner Frau Elsechen; 10. Oktober 1456
[Taunus-Rhein-Main - Regionalgeschichtliche Sammlung Dr. Stefan Naas](https://hessen.museum-digital.de/index.php?t=institution&instnr=4)
Sammlung: [Historische Urkunden und Druckschriften aus dem TAUNUS und FRANKFURT](https://hessen.museum-digital.de/index.php?t=sammlung&instnr=4&gesusa=40)
Sammlung: [Dokumentensammlung des BERNHARD RORBACH](https://hessen.museum-digital.de/index.php?t=sammlung&instnr=4&gesusa=84)
Inventarnummer: 1480/Rorbach/X
Beschreibung
Johan Rorbach und seine Frau Elsechin setzen sich gegenseitig zu Erben ein.
Material/Technik
Papier, 11 Blätter gebunden. Hier: Blatt 9r./v.
Maße
BxH 22,3 x 29,4 cm
## Abschrift
### Original: Deutsch
> [Blatt 9r. – Paginierung rechts oben] 24
>
> Ich Johan Rorbach Scheffen zu Fra(n)ckfurt vnd ich Elsechin sin eliche husfrauwe | auch Burgere zu Fra(n)ckfurt beke(nn)e(n) fur vns vnd alle vnsere erb(e)n uffen- | lichen mit diese(m) brieffe daz wir vndereynander besonnen han truwe vnd | freu(n)tschafft So vnser eyns de(m) andern getan vnd bewyset hat vnd mit hulffe | des almechtigen hirfur tun wollen vnd sin dar umb mit wile vorbedachtem berat(em) mude gutlich vnd freu(n)tlich miteyn vberkom(m)en vnd eyns worts vnd han fur | vns vnd vnse erb(e)n geordent vnd gefast vnd tun daz in crafft dißes geinwurti- | gen brieffs / Also welche zyt der almechtige got fugen wirt daz vnser eyns | von dodis weg(e)n abegegangen vnd verfaren ist des der ewige got zu syme | lobe vnd beide zu vnser selen heile barmherczeclich gefristen wulle / Das dan | dem andern daz vnder vns beiden In leben blyb(e)n ist / blyben werd vnd gefal- | len sollen alle vnd igliche vnsre gude lygende vnd farnde inwendig vnd vß- | wendig franckfurt semptlich vnd besunder nichts vßgenom(m)en die wir beide | itzund han vnd miteyn beiczen vnd furtter an vns semptlich oder sunderlich | komen miteyn erwerb(e)n oder vnß angefallen mog(e)n von wem oder wie daß | gesin oder gescheen mochte Damyde zu tunde vnd zu lassen zu brech(e)n vnd | zu bussen als mit dem synen zu glycher wyse vnd in aller der maßen vnd | zu allem rechten wir beyde semptlich itzund miteyn thun mog)e)n ane indrag | vnd hindernis des ersten abgegangen erb(e)n vnd sost allermenlichs / Vnd | hat auch unser eyns dem andern befolhen vnserwelchs zu erste von dodis | weg(e)n abgeet das / az andere das zu leste in leben ist von solich(e)n unsyn | guden fur sin sele in godis ere geb(e)n vnd zeichen Ist auch erberlich zu | der erden bestaden vnd sin begengniß thun sal / Vnd besunder ab iß got | fuget daz ich Elsechin zu erste abegeen wurde das dan johan egñt bestellen | vnd verfugen sal daz die korngulde die ich zu em brachte han nach | sym abgegange in gottis ere bestadet vnd gegeb(e)n werde als vnser | eyns dem andern des eigentlichen vnderichtunge getan hat vnd em genzlich | wole getuwet vnd sin [consacwen?] vnd gewissen do mit beledet / vnd | iß dacz an dem jungsten dage vor gode vnd in dieser zyt vor der wernde | getruwet zuwerantwortten Vnd wir obgñten Johan vnd Elsechin be- | halden vns gancze macht daz wir beide semptlich diewyle wir beide | in leben sin dieß vorgeschrieb(e)n mog(e)n nymmern meren oder zu male | abe thun wan vnd weliche zyt vns beiden semptlich fuget vnd eben | kommet ane indrag allermenslich Doch in dies(e)n vorgeschrieb(e)n artickeln | mit behelteniß vnd vnschedelich dem Ryche dem Rade vnd der stadt
>
> [Rechter Rand oben (Schreiber 2)] Johan Rorbach | Schoffe. El | sechin sein hausf | 1456
>
> [Blatt 9v. – keine Paginierung]
> zu franckfurt an yren dinsten gnaden vnd fryheid(en) hie by sin gewest | die ersamen Walther von S Swarczenberg de alde Scheffen zu fra(n)ck- | furt Johann großiohan vnd Vlrich von Ruteling(e)n Radtmennere daselbs | vor den wir obgñten Johan vnd Elsechin elude soliche fr(eu)ntliche vber ko- | munge ordenunge vnd besegunge getan vnd gemacht han / und han | des zu vrkunde gebeden dieselben Scheffene vnd Radtmennere | der stede fra(n)ckfurt cleyn ingesiegele an diesen brieff zu hencken | Vnd wir obgñten Walther von Swarczenberg der Alde Johan groß- | johann und Vlrich von Rutlingen irkennen uns uffenlich(e)n mit die | diesem brieffe daz die obgñten Johan vnd Elsechin elude soliche | fru(n)tliche oberkom(m)unge ordenu(n)ge vnd beseczunge vor vns als vorge- | schrieben steet getan vnd irkant han / vnd han des zu vrkunde vnd | bekentenis vnd vmb irer bede willen der stede fra(n)ckfurt cleyn | ingesiegele an diesen brieff thun hencken Datu(m) Anno d(o)m(ini) Milesio | cuadringe(n)tes(im)o cuinquagesi(m)o sexto fe(r)ia post die S(an)cti Dyonisii
>
> [Glossen]
> [Linker Rand oben (Schreiber 2)] Walther Schwar | zenberg der alte | Scheffe.
> [darunter (Schreiber 3?)] v. in Rhorb. [buch?] | [???] [???] de | Walther [inter | tu. Brigemen?]
## Bezug zu Personen oder Körperschaften
- [Bernhard Rorbach (1446-1482)](https://hessen.museum-digital.de/index.php?t=people&id=72322)
## Teil von
- [Dokumentensammlung zur Frankfurter Patrizierfamilie Rorbach](https://hessen.museum-digital.de/index.php?t=serie&serges=48)
___
Stand der Information: 2020-12-10 17:47:54
[CC BY-NC-SA @ Taunus-Rhein-Main - Regionalgeschichtliche Sammlung Dr. Stefan Naas](https://creativecommons.org/licenses/by-nc-sa/4.0/)
___
- https://hessen.museum-digital.de/data/hessen/images/202001/testament-des-johan-rorbach-und-seiner-frau-elsechen-10-oktober-1456-6434.jpg
- https://hessen.museum-digital.de/data/hessen/images/202001/testament-des-johan-rorbach-und-seiner-frau-elsechen-10-oktober-1456-6434-2.jpg